ჩერნობილში, ისევე როგორც უკრაინის მთელ ტერიტორიაზე, სულ უფრო ნაკლები ბეღურა რჩება. ქრებიან არა მხოლოდ ის ბეღურები, რომლებიც ცხოვრობენ ხალხის გვერდით, არამედ მათი მინდვრის ბიძაშვილებიც.
გასულ წელს, როდესაც ჩერნობილის ნაკრძალის ტერიტორიაზე ჩიტები დათვალეს, ბეღურები ხუთეულშიც კი ვერ მოხვდნენ. მართალია მათ ამჟამად გადაშენების საფრთხე არ ემუქრება, მაგრამ ისინი, შესაძლოა, რისკის ქვეშ აღმოჩნდნენ ადამიანის აგრესიული ექსპანსიის გამო.
მანამდე გავრცელდა ინფორმაცია, რომ 100 წლის შემდეგ პირველად ჩერნობილის ზონაში დათვი დაბრუნდა, ასევე მნიშვნელოვნად გაიზარდა მგლებისა და ფოცხვერების რაოდენობა.
ჩერნობილის ზონის მკვლევარი სერგეი გაშჩაკი აღნიშნავს, რომ დიდი მტაცებლის დაბრუნება, შესაძლოა, გამოწვეული იყოს ამ მიწაზე ადამიანის არყოფნით.
ერთ-ერთი ვარაუდით, ბეღურების პოპულაცია სწორედ იმიტომ შემცირდა, რომ ველურმა ცხოველებმა მათზე ნადირობა უფრო აქტიურად დაიწყეს.
