მილიონამდე მოქალაქე შეიკრიბა ჩილეში თანასწორობის დაცვის მოთხოვნით. მშვიდობიანი მარში სანტიაგოში გაიმართა. დედაქალაქის მერის თქმით ეს ისტორიული მომენტია ქვეყნისათვის, სადაც გასული კვირის განმავლობაში დემონსტრაციები მსხვერპლით დასრულდა.
ქვეყნის პრეზიდენტმა სებასტიან პინიერამ თქვა, რომ „პროტესტის მთავარი მესიჯი გაიგო“.
დემონსტრაციები ჩილეს ყველა ცენტრალურ ქალაქში მიმდინარეობს. ანალიტიკური მონაცემებით, მათში მონაწილეობას მოსახლეობის 5%-ზე მეტი იღებს. აქციებზე პრეზიდენტის გადადგომის მოთხოვნაც ისმის.
