თავში

ჩინეთის ერთ-ერთ რეგიონში შავი ჭირის გამო საგანგებო მდგომარეობა გამოცხადდა

ჩინეთის ერთ-ერთ რეგიონში შავი ჭირის გამო საგანგებო მდგომარეობა გამოცხა

ჩინეთის ავტონომიურ რეგიონში, შიდა მონღოლეთში ერთ პირს ბუბონის შავი ჭირის მსგავსი დაავადება გამოუვლინდა. ამის შესახებ ადგილობრივი მედია იუწყება.

აღნიშნული შემთხვევის გამო, რომელსაც ექიმები შავ ჭირს უკავშირებენ, ბაიან-ნურის მუნიციპალიტეტში უსაფრთხოების მესამე დონე გამოცხადდა და 2020 წლის ბოლომდე გაგრძელდება.

მუნიციპალიტეტის ჯანდაცვის კომისიის განცხადების თანახმად არსებობს  ბუბონური ჭირის გავრცელების რისკი, რის გამოც, მოსახლეობას უსაფრთხოების წესების დაცვისკენ მოუწოდებენ. ხელისუფლების მითითებით, მოსახელობას აეკრძალა ნადირობა, ამასთან, გაცემულია მითითება, ცხოველებისა და მღრღნელების გარდაცვალების ფაქტების სავალდებულო შეტყობინების შესახებ.

ჭირი გადადის ინფიცირებული რწყილის ან ცხოველის ნაკბენით, რაც ლიმფური კვანძების ანთებასა და წყლულების წარმოქმნას იწვევს.

შავი ჭირის აფეთქებაა მონღოლეთშიც. მონღოლეთის დასავლეთ ნაწილში, ორ რაიონში კარანტინია გამოცხადებული, მას შემდეგ, რაც ორ ადამიანს ჭირი დაუდასტურდა. ერთ-ერთი დაავადებული  60 ადამიანთან უშუალო, ხოლო, 400-ზე მეტთან კი ნაწილობრივ კონტაქტში იმყოფებოდა. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system