ჩინეთის ცენტრში, განსუს პროვინციაში ავტობუსი გადაყირავდა. ინციდენტის შედეგად, სულ მცირე, 13 ადამიანი დაიღუპა. ინფორმაციას ჩინეთის ცენტრალური ტელევიზია ავრცელებს.
ავტობუსმა სოფლის მეურნეობის 63 მუშა გადაჰყავდა.
ავარიის შედეგად 47 მგზავრი დაშავდა. ისინი ადგილობრივ საავადმყოფოში გადაიყვანეს. ექიმები მათ მდგომარეობას სტაბილურად აფასებენ.
პოლიციამ სამი ადამიანი დააკავა, რომელთა შორის ორი მძღოლი და მუშების კონტრაქტორების წარმომადგენელია.
