ჩინეთის ხელისუფლებამ ამერიკული მეფრინველეობისა და გადამამუშავებელი კომპანია Wayne Farms-ისა და ინდონეზიის ზღვის პროდუქტების მწარმოებელი PT-დან პროდუქტების იმპორტი დროებით შეაჩერა, მას შემდეგ, რაც აღნიშნულ პროდუქტებზე კორონავირუსი დაფიქსირდა. ამის შესახებ ჩინეთის სახალხო რესპუბლიკის გენერალურმა საბაჟო ადმინისტრაციამ განაცხადა.
სააგენტოს ინფორმაციით, COVID-19 ამერიკული გაყინული ქათმის შეფუთვებზე იქნა აღმოჩენილი. Wayne Farms-დან იმპორტი ერთი კვირით შეჩერდება.
გარდა ამისა, კორონავირუსი ინდონეზიიდან იმპორტირებული გაყინული კალმარის ორ შეფუთვაზეც აღმოაჩინეს, რის გამოც PT-ის პროდუქტების იმპორტი ოთხი კვირით შეჩერდა.