ჩინეთის ეროვნულმა ბიოტექნოლოგიურმა ჯგუფმა (CNBG) ვუჰანში COVID-19-ის საწინააღმდეგო ვაქცინის 200 ათასი დოზა გააგზავნა. ამის შესახებ გამოცემა Global Times წერს.
ვაქცინა ვუჰანის ხელისუფლებას უფასოდ გადაეცა.
CNBG-ში აცხადებენ, რომ COVID-19-ის საწინააღმდეგო ვაქცინამ კლინიკური ცდების პირველი და მეორე ფაზა წარმატებით გაიარა და დაამტკიცა, რომ უსაფრთხოა. ამჟამად კომპანიამ ცდების ფინალური ფაზა დაიწყო.
ამასთან, CNBG-ის გარდა ახალი კორონავირუსის საწინააღმდეგო ვაქცინაზე ჩინეთში კიდევ ორი ფარმაცევტული კომპანია - CanSino Biologics Inc და Sinovac Biotech Ltd მუშაობს. ეს ვაქცინებიც ახლა ცდების მესამე ფაზას გადის.