ჩინეთში, ანხოის პროვინციაში 5 ადამიანი დაიღუპა თრომბოციტოპენიური სინდრომის ვირუსით, რომელიც ტკიპის ნაკბენით გადადის. ამის შესახებ ინფორმაციას Global News ავრცელებს.
ადგილობრივი ხელისუფლების ცნობით, ხუთი დაღუპულის გარდა, კიდევ 23 ადამიანი საავადმყოფოში ძლიერი ცხელებით გადაიყვანეს.
ექიმები აღნიშნავენ, რომ ამ რეგიონებში ტკიპებმა დაიწყეს ახალი ბუნიავირუსის გადაცემა, რაც უკიდურესად საშიშია, ვინაიდან ინფიცირებულ პაციენტს შეუძლია ვირუსის სხვა ადამიანებზე გადაცემა. დაავადება იწვევს სიმპტომებს, როგორიცაა ძლიერი სიცხე, თრომბოციტოპენია და გულისრევა.
სამედიცინო კომისიის დაავადებათა კონტროლის თანამშრომელმა აღნიშნა, რომ ლუანი მთიანი რეგიონია და მინდორებში მომუშავე გლეხებს ხშირად კბენენ ტკიპები.
