ჩინელმა მებაჟეებმა გაყინული კრევეტების პარტიაში, რომელიც ეკვადორიდანაა იმპორტირებული, ახალი კორონავირუსი აღმოაჩინეს.
ნიმუშები ქალაქ დალიანის ტერმინალში აიღეს. ამის შესახებ ჩინეთის მთავარ საბაჟო სამმართველოში განაცხადეს.
ამასთან, ტესტირება თავად კრევეტებსაც ჩაუტარეს. მათ COVID-19 არ აღმოაჩნდათ.
ჩინელმა მებაჟეებმა კომპანიას, რომელმაც კრევეტების პარტია ჩამოიტანა, ლიცენზია ჩამოართვა და პროდუქციის იმპორტი აუკრძალა.
