კორონავირუსით დაავადებულთა რიცხვი საათობრივად იზრდება. ბოლო მონაცემებით ჩინეთში 2019-nCoV-ით დაინფიცირებულთა რაოდენობა 20000-ზე მეტია. დაღუპულია 425 ადამიანი. ექიმები ვარაუდობენ, რომ დაახლოებით კიდევ 21500 პირს, შესაძლოა, კორონავირუსი გამოუვლინდეს. მედიკოსებმა 622 პაციენტის განკურნება შეძლეს და საავადმყოფოდან გაწერეს.
კორონავირუსით გარდაცვალების პირველი შეთხვევა დაფიქსირდა ჰონგ-კონგის ადმინისტრაციულ რეგიონში. ის 39 წლის ქალბატონია. იგი გულის მოულოედნელი შეტევით გარდაიცვალა.
კორონავირუსით დაინფიცირებულთა რიცხვი გაიზარდა გერმანიაშიც და ამ დროისთვის აქ 12 შემთხვევა ფიქსირდება.
ჩინეთის ფარგლებს გარეთ, კორონავირუსის შემთხვევა 23 ქვეყანაში გამოვლინდა.
ტაილანდში კი აცხადებენ, რომ აივ ინფექციის სამკურნალო პრეპარატებისა და გრიპის წამლების კომბინაციით, ახალი კორონავირუსისგან უკვე მეორე პაციენტი განკურნეს. განკურნებული 71 წლის ქალბატონია, რომლის მდგომარეობა რთული იყო.
ჩინეთში ახალი კორონავირუსის პნევმონიის აფეთქება 2019 წლის დეკემბერში დაიწყო. ის კორონავირუსის აქამდე უცნობი შტამით გამოწვეულია. ჩინეთმა დაადასტურა, რომ კორონავირუსი გადამდებია. მომხდარის გამო ქვეყანაში 10-ზე მეტ ქალაქში ქალაქში კარანტინი გამოცხადდა. მსოფლიო სამხელმწიფოებმა ჩინეთიდან საკუთარი მოქალაქეების ევაკუაცია დაიწყეს.
მსოფლიო ახალი ვირუსის საწინააღმდეგო ვაქცინის შექმნაზე კოორდინირებულად მუშაობს. გარდა ამისა, ჯანდაცვის მსოფლიო ორგანიზაცია ინტერნეტ და სოციალური მედიის გიგანტებთან ერთად კორონავირუსის შესახებ დეზინფორმაციის გავრცელების წინააღმდეგ კამპანიას იწყებს.
მედეა ცხოვრებაძე
ავტორი