სამხრეთ-აღმოსავლეთ ჩინეთში მასშტაბური მეწყრის შედეგად ორი ადამიანი დაიღუპა, ხოლო თორმეტი ამ დრომდე დაკარგულად ითვლება. ამის შესახებ სააგენტო Xinxua წერს.
სტიქია სიჩუანის პროვინციაში მოხდა. მისი მიზეზი გადაუღებელი წვიმები იყო.
"მეწყრის გამო 62 ადამიანი ბლოკირებული იყო. შემდეგ ორმოცდაათი ადამიანი იპოვეს, რომელთაგან ორი დაიღუპა", - აღნიშნულია ინფორმაციაში.
დაკარგულთა ძებნაში 700-ზე მეტი ადამიანი და 70-ზე მეტი ერთეული ტექნიკა მონაწილეობს.
