ჩინეთის ძიანსის პროვინციის მეტეოროლოგიური მსუბუქძრავიანი თვითმფრინავი საცხოვრებელ სახლებს დაეცა. ინციდენტი ქალაქ ძინანში მოხდა. ინფორმაციას ამის შესახებ უწყება სოციალურ ქსელ Weibo ავრცელებს.
ავიაკატასტროფას ბორტზე მყოფი 5 ადამიანი ემსხვერპლა. კიდევ ერთი ადამიანი დაშავდა. ის საავადმყოფოში გადაიყვანეს.
თვითმფრინავი Beechcraft B300 King Air 350 გეგმიურ ფრენას ახორციელებდა და წვიმის შესახებ ინფორმაციას აგროვებდა.
ინციდენტის შედეგად 3 საცხოვრებელი შენობა დაზიანდა.
ავიაკატასტროფის მიზეზებს გამოძიება დაადგენს.