ჩინეთში, 20 მარტის მდგომარეობით, კორონავირუსის საწინააღმდეგო ვაქცინა 70-მა მილიონმა ადამიანმა მიიღო. ამის შესახებ ინფორმაციას სააგენტო Reuters აქვეყნებს.
ქვეყანაში, გასული დღე-ღამის განმავლობაში COVID-19-ის მხოლოდ 4 ახალი შემთხვევა დაფიქსირდა, აქედან 1 შიდა გავრცელებას უკავშირდება.
ჩინეთში სულ კორონავირუსის 90 087 შემთხვევაა გავრცელებული, რითაც ინფიცირებულთა მაჩვენებლით მსოფლიოში 87-ე ადგილს იკავებს. COVID-19-ის შედეგად ქვეყანაში სულ 4 636 ადამიანი დაიღუპა.
