ჩინური რაკეტის Long March 5B-ის ნამსხვრევები შესაძლოა იტალიის 9 რეგიონიდან ერთ-ერთში ჩამოვარდეს. ამის შესახებ იტალიური გამოცემა italy24news იუწყება.
იტალიის სამოქალაქო დაცვის ოპერატიული კომიტეტის ცნობით, საუბარია ქვეყნის 9 რეგიონიდან რომელიმეზე - უმბრია, ლაციო, აბრუცო, მოლიზე, კამპანია, ბაზილიკატა, აპულია, კალაბრია, სიცილია და სარდინია. კომიტეტი მოქალაქეებს შინ დარჩენისკენ და ღია ტიპის ადგილებში ყოფნისგან თავის შეკავებისკენ მოუწოდებს.
მეცნიერები განმარტავენ, რომ დედამიწის ატმოსფეროში შემოსვლისას რაკეტის უდიდესი ნაწილი დაიშლება და დედამიწის ზედაპირამდე, სავარაუდოდ, მისი მცირე ნაწილები მოაღწევს.
