ჩრდილოეთ კორეა აშშ-ის, დიდი ბრიტანეთისა და ავსტრალიის “უსაფრთხოების პაქტს” აკრიტიკებს და აცხადებს, რომ "აუკუსმა", შესაძლოა, "ბირთვული შეიარაღების რბოლა" გამოიწვიოს. ამის შესახებ BBC წერს.
ფხენიანში აცხადებენ, რომ „აუკუსის“ სახელით ცნობილი ხელშეკრულება აზია-წყნარი ოკეანეთის რეგიონში სტრატეგიულ ბალანსს დაარღვევს.
გასულ კვირას, შეერთებული შტატების პრეზიდენტმა ჯო ბაიდენმა, გაერთიანებული სამეფოს პრემიერ-მინისტრმა ბორის ჯონსონმა და ავსტრალიის პრემიერ-მინისტრმა სკოტ მორისონმა განაცხადეს, რომ ერთობლივი “უსაფრთხოების პაქტი” – „აუკუსი“ შეიმუშავეს.
ასევე ცნობილი გახდა, რომ შეერთებული შტატები და ბრიტანეთი ავსტრალიას ბირთვული წყალქვეშა ნავების განლაგების ტექნოლოგიითა და შესაძლებლობით უზრუნველყოფდნენ.
ამ გადაწყვეტილებას კრიტიკული შეფასება მოჰყვა ევროკავშირის წევრი ქვეყნების მხრიდან.
