ჩრდილოეთ კორეის მიერ ამ კვირაში გასროლილი ჭურვი ჰიპერბგერითი რაკეტა იყო. Report.ge-ს ცნობით, ინფორმაციას Guardian ქვეყნის სახელმწიფო საინფორმაციო სააგენტო KCNA-ზე დაყრდნობით ავრცელებს.
ჩრდილოეთ კორეაში განაცხადეს, რომ ცდების დროს რაკეტის სამიზნე 700 კილომეტრის მანძილზე მდებარეობდა და მან ობიექტამდე წარმატებით მიაღწია.
ქვეყნის სახელმწიფო საინფორმაციო სააგენტო აღნიშნავს, რომ მსგავსი ტიპის რაკეტა ქვეყანაში უკვე მეორედ გამოსცადეს და ჩრდილოეთ კორეის სამხედრო შესაძლებლობების გაზრდას ისახავს მიზნად.
ცნობისთვის, 5 იანვარს გავრცელდა ინფორმაცია, რომ ჩრდილოეთ კორეამ აღმოსავლეთ სანაპიროზე, სულ მცირე, ერთი ამოუცნობი ჭურვი გაისროლა.
