ჩრდილოატლანტიკური ალიანსი უკვე 30 წევრს ითვლის. ესპანეთმა, ბოლო, 29-ე ქვეყანამ, ჩრდილოეთ მაკედონიის ალიანსში გაწევრიანების შესახებ დოკუმენტის რატიფიცირება მოახდინა.
ამის შესახებ ალიანსის გენერალურმა მდივანმა იენს სტოლტენბერგმა „ტვიტერის“ საკუთარ გვერდზე დაწერა.
მაკედონია ალიანსში გასაწევრიანებლად ოფიციალურად NATO-ს 2018 წლის სამიტზე, ივლისში მიიწვიეს და ამის შესახებ შესაბამისი ჩანაწერი დეკლარაციაში გაკეთდა. გაწევრიანების შესახებ გადაწყვეტილება კი ბუქარესტის 2008 წლის სამიტზე იქნა მიღებული.
დღეისათვის NATO-ში ყოფილი იუგოსლავიის 4 ქვეყანაა გაწევრიანებული: სლოვენია, ხორვატია, მონტენეგრო და ახლა უკვე ჩრდილოეთ მაკედონია.