აშშ-ს პრეზიდენტის, დონალდ ტრამპის ადმინისტრაცია ჩრდილო-ატლანტიკური ალიანსის კოლექტიურ ბიუჯეტში შენატანის შემცირებას გეგმავს, ხოლო დაზოგილ თანხას უკრაინასა და საქართველოში პროგრამებს მოახმარს. ამის შესახებ ტელეკომპანია CNN იუწყება.
როგორც ამერიკულ ტელეკომპანიას პენტაგონის მაღალჩინოსანმა განუცხადა, NАТО-ს ბიუჯეტის 22% ვაშინგტონის შემოწირულობებით ივსებოდა. ახლა კი იგეგმება მისი 16%-მდე შემცირება.
მისი თქმით, დაზოგილ თანხას აშშ ევროპაში სამხედრო და უსაფრთხოების სფეროში თავის ძალისხმევას მოახმარს. მათ შორის არის უკრაინისა და საქართველოს დახმარების პროგრამები.
CNN-ის ცნობით, ალიანსში შემავალი სხვა ქვეყნები მოახდენენ ამ დანაკლისის კომპენსირებას, რომელიც ამერიკის შემცირებით იქნება გამოწვეული.
ტელეკომპანიის ინფორმაციით, თეთრმა სახლმა ნატო-სთან საერთო ბიუჯეტში შენატანის საკითხი უკვე შეათანხმა.
