ისრაელის ისტორიაში პირველად, სამხედრო სამედიცინო გუნდმა საკუთარ მშვიდობიან მოსახლეობას დახმარება გაუწია. ეს იყო დახმარება კორონავირუსის წინააღმდეგ ბრძოლაში. განაცხადა ისრაელის არმიის წარმომადგენელმა.
ოქტომბერში ისრაელის არმიამ და სამედიცინო ძალებმა შექმნეს კორონავირუსის საკუთარი განყოფილება ხაიფას საავადმყოფოში, მთელი სამხედრო პერსონალით.
"ესენი არიან სხვადასხვა გამოცდილების მქონე სამხედროები, ზოგი საბრძოლო დანაყოფიდან, ზოგიც ჯარის სამედიცინო დაწესებულებებში მსახურობს", - დასძინა ლეიტენანტმა.
მისი თქმით, ამ დეპარტამენტის მუშაობის ორგანიზებამდე პერსონალმა საავადმყოფოში ტრენინგი გაიარა. ცნობილია, რომ კორონავირუსის განყოფილება რამდენიმე თვის განმავლობაში მუშაობდა და დაიხურა, როდესაც მძიმედ დაავადებული პაციენტების რიცხვი შემცირდა. თუმცა, ეპიდემიოლოგიური მდგომარეობის გაუარესების შემთხვევაში ისინი მზად არიან, მუშაობა ნებისმიერ დროს განაახლონ.
"ისრაელი ცნობილია იმით, რომ თუ სხვა ქვეყნებში ხდება მიწისძვრა ან სხვა კატასტროფები, არმიიდან ყოველთვის ექიმების ჯგუფს აგზავნიან დასახმარებლად. მაგრამ ეს იყო პირველი შემთხვევა, როდესაც ისრაელის სამხედრო მედიკოსები თავიანთ მოქალაქეებს ეხმარებოდნენ", - განაცხადა ისრაელის არმიის წარმომადგენელმა.
