კვირას, ავსტრალიაში Covid-აპლიკაცია მომხმარებლებისთვის ხელმისაწვდომი გახდა და ის უკვე 2 მილიონზე მეტმა ადამიანმა ჩამოტვირთა.
აპლიკაცია სამედიცინო პერსონალის დასახმარებლად შეიქმნა, რათა ჯანდაცვის სამინისტროს იმ ადამიანების მოძიებაში დაეხმაროს, რომლებიც, შესაძლოა, "COVID-19-ით" ინფიცირებულ ადამიანებთან კონტაქტში შევიდნენ.
დღეს ავსტრალიის ჯანდაცვის მინისტრმა, გრეგ ჰანტმა პრესკონფერენციაზე განაცხადა, რომ აპლიკაციას უკვე 2.44 მილიონი მომხმარებელი ჰყავს.
"ავსტრალიელები კორონავირუსის გავრცელების თავიდან ასაცილებლად საკუთარ ძალებს არ იშურებენ"-, განაცხადა ჰანტმა.
აპლიკაცია "Bluetooth-ის" სიგნალის დახმარებით ადამიანებს შორის დისტანციას აღიქვამს და მათ აფრთხილებს, რომ ერთმანეთს 2 მეტრით დაშორდნენ.
გავრცელდა ინფორმაცია, რომ აპლიკაცია მომხმარებლების ადგ,ილმდებარეობას აღნიშნავდა და ამით ადამიანების უფლებებს არღვევდა, თუმცა მთავარმა სამედიცინო ოფიცერმა ბრენდან მარფიმ "7 News-თან" ინტერვიუში განაცხადა, რომ აპლიკაციაში აღნიშნულ მონაცემებზე წვდომა მხოლოდ ჯანდაცვის სფეროს წარმომადგენლებს აქვთ. დარეგისტრირებისთვის კი მომხმარებლებმა თავიანთი სახელი, მობილურის ნომერი, საფოსტო კოდი და ასაკი უნდა მიუთითონ.
ანი იმედაძე
ავტორი