საბერძნეთში, კალიმნოსის კუნძულზე საეკლესიო მსახური დააკავეს, რომელიც მრევლს მოუწოდებდა ყოვლადწმიდა ღვთისმშობლის მიძინების დღესასწაულზე, ეკლესიაში მისვლისას პირბადეები არ გაეკეთებინათ. ამის შესახებ Orthodox Times წერს.
"ღვთისმშობლის დღესასწაულზე პირბადე არავის უნდა ეკეთოს! ჩვენ არ უნდა ვავნოთ ღვთისმშობელს. ჩვენს დედას სურს ჩვენი სახის ხილვა. მას სურს ნახოს ჩვენი რწმენა! მას სურს ჩვენი კოცნა, დალოცვა. ღვთისმშობელო ჩვენ შენ გვიყვარხარ და დარწმუნებული ვარ, რომ შენი შვილები მოგანიჭებთ ამ სიხარულს. ნიღაბს არავინ გაიკეთებს", - წერს მღვდელი Facebook-ზე.
გამოცემის ცნობით, მღვდელს პოლიციაში კუნძულის ერთ-ერთმა მაცხოვრებელმა უჩივლა.
