ამერიკელი ექიმების მიერ გამოქვეყნებულ ანგარიშში ნათქვამია, რომ ფიზიკური უმოქმედობა კორონავირუსით სიკვდილის რისკს თითქმის სამჯერ ზრდის. ინფორმაცია ამის შესახებ გამოცემა British Journal of Sports Medicine-ში გამოქვეყნდა.
კალიფორნიის სამედიცინო ცენტრის ექსპერტებმა შეისწავლეს 48 ათასზე მეტი ადამიანის მონაცემები, რომლებიც კორონავირუსით დაავადდნენ.
"ჩვენმა დაკვირვებებმა აჩვენა, რომ დაბალი ფიზიკური დატვირთვა იყო SARS-CoV-2 ინფექციის ყველაზე საშიში რისკის ფაქტორი, მათ შორის მოწევასთან, სიმსუქნესთან, დიაბეტთან და ჰიპერტენზიასთან შედარებით", - ნათქვამია კვლევაში.
აღინიშნა, რომ ინფიცირებულთა 9%, რომლებიც საავადმყოფოში აღმოჩნდნენ, დაბალი აქტივობის გამო მოხვდნენ იქ. გარდა ამისა, მან 70%-ით გაზარდა ინტენსიურ თერაპიაში მოხვედრის რისკი.
კალიფორნიის ექიმებმა მოუწოდეს კოლეგებს, საზოგადოებასთან მუშაობის დროს ეს ფაქტი გაითვალისწინონ.