კოპენჰაგენის სასამართლომ 3 მამაკაცი „ისლამური სახელმწიფოს“ დახმარებაში დამნაშავედ ცნო, თუმცა მათთვის ტერორიზმის ბრალდება არ წაუყენებია.
სასამართლოს განცხადებით, მამაკაცებმა, რომელთაგან 2 დანიის მოქალაქეა, 2013-2017 წლებში დანიაში რადიომართვადი თვითმფრინავები, უპილოტო საფრენი აპარატები და თბოვიზორები (ინფრაწითელი კამერები) შეიძინეს და „ისლამურ სახელმწიფოს“ გაუგზავნეს. ტერორისტული ორგანიზაცია ამ მოწყობილობებს სირიასა და ერაყში საბრძოლო მოქმედებებში იყენებს.
დაკავებულებს ტერორისტული ორგანიზაციის ხელშეწყობისთვის 6 წლით თავისუფლების აღკვეთა ემუქრებათ. სასამართლო გადაწყვეტილება ერთ თვეში გამოცხადდება. განსასჯელების ვინაობა სასამართლომ არ გაახმაურა.
მედეა ცხოვრებაძე
ავტორი