ინდოეთში, დელის ინდირა განდის სახელობის აეროპორტში ერთ-ერთ ჩანთაში ძლიერი ასაფეთქებელი ნივთიერება, ჰექსოგენი აღმოაჩინეს. ამის შესახებ ადგილობრივი მედია სამართალდამცავ ორგანოებზე დაყრდნობით იუწყება.
აეროპორტის დაცვამ და პოლიციამ ტერმინალი გადაკეტა, რამაც მგზავრებში პანიკა გამოიწვია.
ადგილზე გამნაღმველები და კინოლოგები იყვნენ მობილიზებული.
ასაფეთქებელი ნივთიერება დეტალურ ანალიზზეა გაგზავნილი. ჩანთის მფლობელის ვინაობა ჯერჯერობით უცნობია.
