9 ნოემბერს ბერლინის კედლის ნგრევის დღე აღინიშნება. ზუსტად 30 წლის წინ აღმოსავლეთ გერმანიის მთავრობამ მოქალაქეებს დასავლეთ გერმანიაში გადასვლის ნებართვა მისცა. ეს უფლება ათასობით გერმანელმა გამოიყენა და კედლის ნგრევა დაიწყო.
კედლის დაცემიდან 30 წლისთავს მთელი გერმანიის მასშტაბით და მის ფარგლებს გარეთაც აღნიშნავენ. დაგეგმილია ღონისძიებები, რომელიც ეძღვნება მშვიდობიანი რევოლუციის გახსენებასა და კედლის ისტორიას.
ბერლინის კედლის მშენებლობა გერმანიის დემოკრატიული რესპუბლიკის მთავრობისა და მისი საბჭოთა მოკავშირეების გადაწყვეტილებით 1961 წლის 13 აგვისტოს დაწყო. ის ოცდარვა წლის განმავლობაში იდგა. 1989 წლის მშვიდობიანმა რევოლუციამ კი ბერლინის, გერმანიისა და ევროპის გაერთიანების პროცესები წამოიწყო.
