დიდ ბრიტანეთში, ნოტინგემში, ჯართის საწყობში ძლიერი ხანძარი გაჩნდა, რომლის ჩაქრობას, შესაძლოა, რამდენიმე დღე დასჭირდეს. ამის შესახებ ინფორმაციას BBC ავრცელებს.
გამოცემის ცნობით, მეხანძრეები ხანძრის ლიკვიდაციამდე საწყობში დარჩებიან. ადგილზე მობილიზებულია 14 სახანძრო ჯგუფი ნოტინგემშირიდან, დერბიშირიდან და ლესტერშირიდან.
ოფიციალური პირების განცხადებით, დაღუპულთა შესახებ ინფორმაცია არ გავრცელებულა, მაგრამ ხანძარი განაგრძობს გავრცელებას და მის ჩაქრობას, სავარაუდოდ, რამდენიმე დღე დასჭირდება.
ხანძრის გამომწვევი მიზეზი ჯერჯერობით უცნობია.
