დიდი ბრიტანეთის მთავრობა თვითდასაქმებული პირებისთვის, რომლებიც, კორონავირუსის პანდემიის გამო, სამუშაოს გარეშე დარჩნენ, 2,500 გირვანქა ფუნტი სტერლინგის ოდენობით ყოველთვიურ გრანტს გამოყოფს. ამის შესახებ ინფორმაციას CNN ავრცელებს.
თვითდასაქმებული პირები ყოველთვიური გრანტის სახით, ბოლო სამი წლის განმავლობაში მიღებული საშუალო ყოველთვიური ანაზღაურების 80%-ს მიიღებენ, არაუმეტეს 2,500 გირვანქა სტერლინგის ოდენობით.
გრანტის გაცემა ივნისის დასაწყისიდან დაიწყება და მას თვითდასაქმებულების 95% მიიღებს.
