დიდი ბრიტანეთის დედოფალმა, ელისაბედ მეორემ ნატურალური ბეწვისგან დამზადებულ ტანსაცმელზე უარი თქვა.
ამის შესახებ, გამოცემა The Guardian-ის ინფორმაციით, დედოფლის უფროსმა კოსტიუმერმა, ანჯელა კელიმ განაცხადა.
„თუკი მის უდიდებულესობას ღონისძიება განსაკუთრებით ცივ ამინდში ექნება, მაშინ ხელოვნური ბეწვი იქნება გამოყენებული, რათა ის თბილად იყოს“, - აცხადებს კელი, რომელიც დედოფლის ჩაცმულობაზე უკვე 25 წელია ზრუნავს.
ცხოველთა უფლებების დაცვის აქტივისტები ამ ინიციატივას მიესალმებიან.
„Peta-ს (People for the Ethical Treatment of Animals) თანამშრომლები ჯინით სავსე ჭიქას ბეწვზე უართან დაკავშირებით დედოფლის გადაწყვეტილების პასუხად სწევენ“, - განაცხადა ორგანიზაციის საერთაშორისო პროგრამების დირექტორმა, მიმი ბეხეჩმა.
