"დიდი ოცეულის" წევრი ქვეყნები ახალი ტიპის კორონავირუსის ინფექციის წინააღმდეგ საბრძოლველად 21 მილიარდ აშშ დოლარს გამოყოფენ.
”G20, მოწვეულ ქვეყნებთან ერთად, კოორდინაციას უწევს გლობალურ ძალისხმევას COVID-19-ის პანდემიის წინააღმდეგ ბრძოლის გასამყარებლად. ამ დროისთვის, G20-ის წევრები და მოწვეული ქვეყნები მსოფლიო ჯანდაცვის სფეროს დასახმარებლად 21 მილიარდ აშშ დოლარზე მეტს გამოყოფენ", - განაცხადა ორგანიზაციის ოფიციალურმა წარმომადგენელმა. აღნიშნული თანხები ვაქცინის შემუშავებასა და დიაგნოსტირების განვითარებას მოხმარდება.
ბოლო მონაცემებით, ახალი ტიპის კორონავირუსით ინფიცირებულთა რაოდენობა 6,5 მილიონს აჭარბებს, ხოლო COVID-19-ს 387 ათასზე მეტი ადამიანის სიცოცხლე ემსხვერპლა.
