Doge-ს მიმის ორიგინალი ფოტო, პარასკევს გამართულ აუქციონზე NFT-დ, 4 მილიონ ამერიკულ დოლარად გაიყიდა - შედეგად Doge ყველაზე ძვირიან მიმად იქცა.
ფოტო აუქციონი Zora-ზე შედგა, სადაც ლოტი (ფოტოსურათი) მფლობელის, Atsuko Sato-ს მიერ განთავსდა.
აუქციონის ერთ-ერთმა მონაწილემ, @pleasrdao-მ, NFT 1 696 ეთერიუმის სანაცვლოდ მოიგო, რაც აღნიშნული კრიპტოვალუტის დღევანდელი კურსით 4 მილიონი აშშ დოლარის ექვივალენტია.
NFT-ების გაპოპულარულებასთან ერთად, მიმერებს გაუჩნდათ შანსი, რომ თავიანთი მიმებით დიდძალი ფული ეშოვათ.
მაგალითად, Nyan cat-ის შემქმნელმა, კრის ტორესმა, თავისი შექმნილი მიმი 600 000 აშშ დოლარად გაყიდა.
