გერმანული მედია-გიგანტი "დოიჩეველე" საქართველოს მესამე პრეზიდენტის გარშემო მოვლენებისა და მოშიმშილეების შესახებ წერს, რომლებიც მიხეილ სააკაშვილის გათავისუფლებას ითხოვენ.
სტატიაში ნათქვამია, რომ მოშიმშილეთა შორის აფხაზეთიდან ლტოლვილები, დაწყებითი კლასების მასწავლებლები და სასულიერო პირებიც არიან.
"გიორგი მუმლაძე თბილისის ერთ-ერთი უნივერსიტეტის მასწავლებელია. ის დისტანციურად ატარებდა გაკვეთილებს შიმშილობის ადგილიდან. DW-სთვის მიცემული ინტერვიუში მან მოკლედ ჩამოაყალიბა პრობლემის არსი: "ოლიგარქ ბიძინა ივანიშვილთან ერთად საქართველო სულ უფრო დაემსგავსა სსრკ-ს, გამოჩნდა პოლიტიკოსების დიდი რაოდენობა".
სამი დღის წინ ბერლინში თბილისის მოთხოვნით დააკავეს საქართველოს გენერალური შტაბის ყოფილი უფროსი გიორგი კალანდაძე, რომელიც სააკაშვილის მსგავსად 2014 წლიდან უკრაინაში ცხოვრობს. სისხლის სამართლის საქმე ფულის გათეთრების ბრალდებითაა აღძრული. ამავე საქმეში მოიაზრება პარტია "ლელო საქართველოსთვის" ლიდერები მამუკა ხაზარაძე და ბადრი ჯაფარიძე. საქმეში ფიგურირებს ტელეკომპანია "პირველის" დამფუძნებლის მამაც.
პოლიტიკური დევნა ეხება ყველას, ვინც არ არის ხელსაყრელი ამჟამინდელი ხელისუფლებისთვის- აცხადებენ აქციის მონაწილეები, თუმცა, ერთ-ერთი მათგანის თქმით, "მიშას გულშემატკივრების აჯანყება მოსალოდნელი არ არის".- ნათქვამია სტატიაში.
