აშშ-ის ზოგიერთ შტატში 2020 წლის საპრეზიდენტო არჩევნების ხმების დათვლის დროს ბიულეტენები უფრო მეტი აღმოჩნდა, ვიდრე ამომრჩევლები, რომელთაც ხმა მისცეს, - ამის შესახებ აშშ-ის მოქმედი პრეზიდენტი დონალტ ტრამპი "ტვიტერზე" წერს.
"ზოგიერთ შტატში უფრო მეტი ბიულეტენი აღმოჩნდა, ვიდრე ამომრჩეველი, რომელმაც ხმა მისცა. ნუთუ ამას მნიშვნელობა არ აქვს? დამკვირვებლების ხელის შეშლა, ყალბი ბიულეტენები და კიდევ ბევრი დარღვევა. ასეთი მკაფიოდ არასწორი ქცევა. ჩვენ გავიმარჯვებთ!", – წერს დონალდ ტრამპი.
ამასთან, "ტვიტერმა" ეს პუბლიკაცია მონიშნა და დააწერა - "არჩევნების გაყალბების შესახებ ეს განცხადება სადავოა".
In certain swing states, there were more votes than people who voted, and in big numbers. Does that not really matter? Stopping Poll Watchers, voting for unsuspecting people, fake ballots and so much more. Such egregious conduct. We will win!
— Donald J. Trump (@realDonaldTrump) November 23, 2020
ეს პირველი შემთხვევა არ არის, როდესაც "ტვიტერი" ტრამპის "ტვიტებზე" მსგავს წარწერას აკეთებს. შეგახსენებთ, რომ Twitter-მა ამერიკის პრეზიდენტის, დონალდ ტრამპის პოსტი გამოქვეყნებიდან რამდენიმე წუთში დამალა და განმარტა, რომ მისი სიტყვები სადავო შინაარსისაა, რომელმაც შეიძლება საზოგადოება შეცდომაში შეიყვანოს. ამის გამო დონალდ ტრამპმა "ტვიტერის" პოლიტიკა გააკრიტიკა.
აშშ-ის წამყვანი მედიასაშუალებების ინფორმაციით, 3 ნოემბრის საპრეზიდენტო არჩევნებში დემოკრატმა ჯო ბაიდენმა მოიპოვა გამარჯვება. მას საარჩევნო კოლეგიის საჭიროზე მეტი - 306 ხმა აქვს, დონალდ ტრამპ კი მხოლოდ 232. მიუხედავად ამისა, ტრამპი დამარცხებას არ აღიარებს, აცხადებს, რომ არჩევნები გაყალბდა და არაერთი სასამართლო დავა წამოიწყო.
