აშშ-ის მოქმედი პრეზიდენტი, დონალდ ტრამპი და პირველი ლედი მელანია ტრამპი ფლორიდაში ჩავიდნენ.
ცოტა ხნით ადრე დონალდ ტრამპს ენდრიუსის ბაზაზე გამოსამშვიდობებელი ცერემონია ჰქონდა. სიტყვით გამოსვლისას მან პირობა დადო, რომ "მუდამ იბრძოლებს" და ბაიდენის ადმინისტრაციას წარმატებები უსურვა.
"თქვენ შესანიშნავი ადამიანები ხართ. ეს დიდებული, დიდებული ქვეყანაა. ჩემთვის დიდი პატივი და პრივილეგიაა, ვიყო თქვენი პრეზიდენტი", - განაცხადა ტრამპმა.
დონალდ ტრამპი აშშ-ის არჩეული პრეზიდენტის, ჯო ბაიდენის ინაუგურაციას არ ესწრება.
