აშშ-ის ლიდერი დონალდ ტრამპი აცხადებს, რომ მიკრობლოგი "Twitter" "სიტყვის თავისუფლებას" ახრჩობს.
მისი თქმით, მას, როგორც აშშ-ის პრეზიდენტს, ამის დაშვება არ შეუძლია.
ტრამპის აზრით, თავისი ქმედებებით სოციალური ქსელი 2020 წლის საპრეზიდენტო არჩევნებში ერევა.
მისი თქმით, "Twitter" ფაქტების გადამოწმებისას ეყრდნობა "ფეიკ მედიის" ინფორმაციას, რომელსაც ტელეარხი CNN და გაზეთი The Washington Post ავრცელებს.
.@Twitter is now interfering in the 2020 Presidential Election. They are saying my statement on Mail-In Ballots, which will lead to massive corruption and fraud, is incorrect, based on fact-checking by Fake News CNN and the Amazon Washington Post....
— Donald J. Trump (@realDonaldTrump) May 26, 2020
შეგახსენებთ, რომ "Twitter"-მა აშშ-ის პრეზიდენტის, დონალდ ტრამპის პოსტის ქვეშ პირველად გააკეთა გამაფრთხილებელი მინიშნება, რითაც მკითხველს შესთავაზა, პრეზიდენტის პოსტში დაწერილ ფაქტზე ინფორმაცია გადაამოწმოს.
