აშშ-ს პრეზიდენტმა, დონალდ ტრამპმა ჯანდაცვის მსოფლიო ორგანიზაცია გააკრიტიკა იმის გამო, რომ ორგანიზაცია, საქმიანობის თვალსაზრისით, ჩინეთზეა ორიენტირებული.
"ჯანდაცვის მსოფლიო ორგანიზაციამ ნამდვილად შეცდომა დაუშვა. რატომღაც, მიუხედავად იმისა, რომ იგი ძირითადად აშშ-ს მიერ ფინანსდება, ჩინეთზე არის ორიენტირებული. ამ საკითხს ყურადღებით შევისწავლით. საბედნიეროდ, მე თავიდანვე უარვყავი მათი რჩევა, რომ ჩინეთისთვის საზღვრები ღია დაგვეტოვებინა. რატომ მოგვცეს ასეთი არასწორი რეკომენდაცია?" - წერს დონალდ ტრამპი Twitter-ის ოფიციალურ გვერდზე.
ტრამპის არგუმენტს იმეორებს Wall Street Journal– ს რედაქციაც, რომელიც ამტკიცებს, რომ ორგანიზაცია ჩინეთის ხელისუფლების ხელმძღვანელობას მიჰყვებოდა და კორონავირუსის პანდემიის გამოცხადება დააყოვნა.