აშშ-ს პრეზიდენტმა დონალდ ტრამპმა განაცხადა, რომ ჯერ არ აპირებს კორონავირუსის საწინააღმდეგო ვაქცინაციას. ტრამპის თქმით, ის აცრას "შესაბამის დროს" გაიკეთებს.
"თეთრ სახლში მომუშავე ადამიანებმა, პროგრამის ფარგლებში ვაქცინა ცოტა მოგიანებით უნდა მიიღონ, თუ ამის გადაუდებელი აუცილებლობა არ არის. მე ვთხოვე ამ ცვლილების შეტანა. მე არ ვაპირებ ვაქცინის გაკეთებას, მაგრამ, გავიკეთებ შესაბამის დროს", დაწერა ტრამპმა "ტვიტერის" გვერდზე.
მანამდე გავრცელდა ინფორმაცია, რომ ტრამპს და მისი ადმინისტრაციის სხვა მაღალჩინოსნებს კორონავირუსის ვაქცინას მალე შესთავაზებდნენ.
