ევროპული მედიკამენტების სააგენტო (EMA) AstraZeneca-ს ვაქცინის გამოყენების შეზღუდვის მიზეზს ვერ ხედავს. ამის შესახებ სააგენტოს აღმასრულებელმა დირექტორმა, ემერ კუკმა განაცხადა.
მისი თქმით, დამოუკიდებელმა ექსპერტებმა შეაგროვეს მონაცემები ვაქცინის გამოყენების რისკის შესაფასებლად.
”ამ ეტაპზე ექსპერტებმა შეგვატყობინეს, რომ მათ ვერ შეძლეს დაედგინათ რისკფაქტორები - ასაკი, სქესი, სამედიცინო მდგომარეობა, გართულებების იშვიათი შემთხვევების ასახსნელად”, - განაცხადა კუკმა.
მან ხაზი გაუსვა, რომ სიკვდილიანობის კავშირი ვაქცინის გამოყენებასთან დადგენილი არ არის, თუმცა ეს არ არის გამორიცხული. ამ დროისთვის, კვლევა გრძელდება.
კუკმა გაიხსენა, რომ ორი კვირით ადრე EMA–მ ვაქცინის რისკის წინასწარი შეფასებები გამოაქვეყნა. მაშინ ექსპერტებმა მივიდნენ დასკვნამდე, რომ პრეპარატი AstraZeneca–ს სარგებელი უფრო მეტია, ვიდრე საფრთხეები.
”პოზიცია ამ საკითხთან დაკავშირებით არ შეცვლილა”, - განაცხადა EMA– ს ხელმძღვანელმა.
კუკის თქმით, ევროპული მედიკამენტების სააგენტო (EMA) ამჟამად იკვლევს თრომბების ფორმირების ალბათობას მათში, ვინც AstraZeneca-ს ვაქცინით აიცრა და მანამდე სისხლის შედედების პრობლემა ჰქონდა. პროცესში მონაწილეობენ როგორც სააგენტოს ექსპერტები, ასევე დამოუკიდებელი, მოწვეული სპეციალისტები.
