დასავლეთ ერაყში მდებარე აინ-ალ-ასადის საჰაერო ბაზის მიმართულებით, რომელსაც კოალიცია აშშ-ის ხელმძღვანელობით იყენებს, 5 რაკეტა გაისროლეს. Report.ge-ს ცნობით, ინფორმაციას Reuters ავრცელებს.
კოალიციის წარმომადგენლის თქმით, მსხვერპლი ან დაშავებული არავინაა.
ერაყის არმიის წარმომადგენლები აცხადებენ, რომ თავდამსხმელებმა "კატიუშა" გამოიყენეს.
კოალიცია აინ-ალ-ასადის ბაზას "ისლამური სახელმწიფოს" წინააღმდეგ ბრძოლაში იყენებს.
რამდენიმე დღით ადრე ერაყის უსაფრთხოების ძალებმა ბაღდადის საერთაშორისო აეროპორტზე უპილოტო საფრენი აპარატების ორი თავდასხმა აღკვეთეს.