ბაღდადსა და ერაყის სხვა დიდ ქალაქებში ხელისუფლების გადადგომის მოთხოვნით მასშტაბური საპროტესტო აქციები გაიმართა. მათში მონაწილეობა ათასობით ადამიანმა მიიღო.
დემონსტრანტებმა ბაღდადში ხიდზე ბარიკადები აღმართეს და გზის ბლოკირება სცადეს. უსაფრთხოების ძალებმა კი მათ წინააღმდეგ წყლის ჭავლი და ცრემლსადენი გაზი გამოიყენა.
ერაყში ხელისუფლების გადადგომისა და ეკონომიკური რეფორმების მოთხოვნით აქციები გასულ წელს დაიწყო. დემონსტრაციების დროს ხშირია შეტაკებები, რასაც სულ მცირე 500 ადამიანის სიცოცხლე ემსხვერპლა.
