აშშ-ის საჰაერო ძალების სატვირთო თვითმფრინავმა C-17 Globemaster III ერთი რეისით ქაბულიდან 640 ავღანელი გამოიყვანა. ინფორმაციას Defense One ავრცელებს.
დეტალები: თვითმფრინავი არ აპირებდა ამდენი ადამიანის ბორტზე აყვანას, თუმცა ავღანელი ლტოლვილები აეროდრომზე შევარდნენ და თვითმფრინავში შეიჭრნენ.
ეკიპაჟმა გადაწყვიტა, არ დაატოვებინოს ავღანელებს საჰაერო ხომალდი და ბორტზე მყოფ ყველა მგზავრთან ერთად გაფრინდეს ყველასთან ერთად.
”ავღანეთის დაახლოებით 640 მშვიდობიანი მოქალაქე გადმოვიდა თვითმფრინავიდან, როდესაც ის დანიშნულების ადგილზე მივიდა”, - განაცხადა აშშ-ის სამხედრო წარმომადგენელმა.
JUST IN: "The Crew made the decision to go" â Inside RCH 871, which saved 640 from the Taliban ... from @TaraCopp and me https://t.co/r4YvGqJZ4b pic.twitter.com/CI1mAmqjHT
— Marcus Weisgerber (@MarcusReports) August 16, 2021
ცნობისთვის, რადიკალურმა მოძრაობამ "თალიბანი" ავღანეთის დედაქალაქი ქაბული 15 აგვისტოს აიღო. ავღანეთის პრეზიდენტმა აშრაფ ღანიმ, შტაბის უფროსთან და ეროვნული უსაფრთხოების მრჩეველთან ერთად, ქვეყანა დატოვა. ღანის თქმით, მან ქვეყანა ქაბულში სისხლისღვრის თავიდან ასაცილებლად დატოვა.
ცოტა ხნის წინ ავღანეთში, დედაქალაქ ქაბულის აეროპორტის ასაფრენ ბილიკზე დიდი რაოდენობით ხალხი შეიჭრა. აშშ-ის სამხედროებმა, რომლებიც ქვეყნიდან სამოქალაქო პირების ევაკუაციის დროს წესრიგს უზრუნველყოფდნენ, ჰაერში გამაფრთხილებელი გასროლა მოახდინეს.
ავღანეთში, ქაბულის აეროპორტში სროლის შედეგად, სულ მცირე, ხუთი ადამიანი დაიღუპა.
ქაბულის საერთაშორისო აეროპორტმა სამოქალაქო ფრენები შეაჩერა.
