ჩრდილოეთ ესპანეთს ქარბუქი დაატყდა თავს. ინფორმაციას ადგილობრივი მედია ავრცელებს.
რეგიონში გზები თოვლით არის დაფარული. მათ გაწმენდას სპეციალური ტექნიკა ცდილობს.
ზოგან ტემპერატურა -11 გრადუსამდე დაეცა.
გავრცელებული ინფორმაციით, უახლოეს დღეებში ესპანეთში ჰაერის ტემპერატურა დათბება, რასაც, შესაძლოა, წვიმები და წყალდიდობაც კი მოჰყვება. თუმცა, მთაში სათხილამურო სეზონი უკვე გაიხსნა.
ფოტო: REUTERS
ამასთან, ესპანეთის ქალაქ ალიკანტეში ძლიერი სეტყვა მოვიდა.
სეტყვამდე ქალაქში კოკისპირულად წვიმდა.
მეტეოროლოგების ინფორმაციით, სულ რაღაც 25 წუთში 46 მილიმეტრი სეტყვა მოვიდა.
