ესპანეთში ერთ დღეში კორონავირუსით 6,6 ათასი ადამიანი დაინფიცირდა
ესპანეთში, ბოლო დღე-ღამის განმავლობაში, კორონავირუსით ინფიცირების 6,6 ათასი შემთხვევაა გამოვლენილი. ჯამში ინფიცირებულთა რაოდენობა 39 673-ს აღწევს. ამის შესახებ ქვეყნის ჯანდაცვის სამინისტროში განაცხადეს.
COVID-19-ის ეპიდემიას ესპანეთში 2 696 ადამიანის სიცოცხლე ემსხვერპლა. აქედან 514 - ბოლო დღე-ღამის განმავლობაში. 2,6 ათასი ადამიანის მდგომარეობა მძიმეა, ხოლო 3,8 ათასი პაციენტი გამოჯანმრთელდა.
კორონავირუსის გავრცელების მაჩვენებლით ესპანეთი, იტალიის შემდეგ, ევროპაში მეორე ადგილს იკავებს, მსოფლიოში კი - მეოთხეს (ჩინეთის, იტალიისა და აშშ-ის შემდეგ).
