ესპანეთში COVID-19-ით 19400 მედიკოსია ინფიცირებული. ამის შესახებ ქვეყნის ჯანდაცვის სამინისტროში განაცხადეს. უწყებაში აღნიშნეს, რომ ეს ინფიცირებულთა 14 პროცენტია.
"აქედან დაახლოებით 20 პროცენტი უკვე გაეწერა. 10% საავადმყოფოში რჩება, უმეტესობა მკურნალობას სახლში გადის", - განაცხადეს ჯანდაცვის სამინისტროში.
გამოცემა Pais-ის ინფორმაციით, გარდაცვლილია 13 სამედიცინო მუშაკი - 11 ექიმი, მედდა და სანიტარი.
ესპანეთში კორონავირუსით ინფიცირების 135 ათასზე მეტი შემთხვევაა დადასტურებული. 13 ათასზე მეტი პაციენტი გარდაიცვალა.
