ესპანეთის მურსიის რეგიონის ხელმძღვანელობამ COVID-19-ით ინფიცირებულების კონტაქტების დასადგენად სამხედროების დახმარება მოითხოვა. ამის შესახებ ადგილობრივი მედია იუწყევა.
ესპანეთის მთავრობის თავმჯდომარემ, პედრო სანჩესმა ავტონომიურ თემებს 2 ათასი სამხედრო მოსამსახურე გაუგზავნა, რომლებმაც, ეპიდემიოლოგიური კონტაქტების დასადგენად, შესაბამისი მომზადება გაიარეს.
სამხედროების ფუნქციებში ასევე ყოველდღიური სატელეფონო ზარების განხორციელება შევა, რათა დადგინდეს, იცავენ თუ არა ადამიანები კარანტინს, გამოუვლინდათ თუ არა მათ კორონავირუსის სიმპტომები.
