ესტონეთი რუსეთს საჰაერო სივრცის დარღვევაში ადანაშაულებს. თავდაცვის სამინისტროს განცხადებით ქვეყნის საჰაერო საზღვრები რუსულმა ილ-96-მა გადაკვეთა. ინფორმაციას DW ავრცელებს.
გამოცემის ინფორმაციით, შემთხვევა კუნძულ ვაინდლოოსთან მოხდა. რუსულმა თვითმფრინავმა ესტონეთის საჰაერო სივრცეში ერთი წუთი დაჰყო. ეს წელს რუსეთის მხრიდან ესტონეთის საჰაერო სივრცის დარღვევის მეორე შემთხვევაა. პირველი თებერვალში მოხდა.
მომხდართან დაკავშირებით ესტონეთის საგარეო საქმეთა სამინისტრომ რუსეთის ელჩს საპროტესტო ნოტა უკვე გადასცა.
