საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი კომისარი, ჟოზეპ ბორელი მთიანი ყარაბაღის კონფლიქტის მხარეებს დეესკალაციის, საომარი მოქმედებებისა და ცეცხლის შეწყვეტისაკენ მოუწოდებს.
"ევროკავშირი მოითხოვს საომარი მოქმედებების დაუყოვნებლად შეწყვეტას, დეესკალაციასა და ცეცხლის შეწყვეტის შესახებ შეთანხმების მკაცრ დაცვას. საჭიროა ეუთო-ს მინსკის ჯგუფის თანათავმჯდომარეების ეგიდით, მოლაპარაკებების დაუყოვნებლივი განახლება", - ნათქვამია ჟოზეპ ბორელის განცხადებაში.
Worrying escalation in #NagornoKarabakh undermining regional stability
— Josep Borrell Fontelles (@JosepBorrellF) September 27, 2020
EU calls for immediate cessation of hostilities, de-escalation & strict observance of ceasefire. Return to negotiations under auspices of @OSCE Minsk Group co-chairs urgently neededhttps://t.co/U0i8QYiOTk
ცნობისთვის, 27 სექტემბერს სომხეთისა და აზერბაიჯანის საზღვარზე ვითარება უკიდურესად დაიძაბა. მხარეები სამხედრო შეტაკებების და მსხვერპლის შესახებ იუწყებიან. აზერბაიჯანული მედიის ცნობით, სომხეთის მხრიდან დღეს დილით ფართომასშტაბიანი შეტევა განხორციელდა. შედეგად არის მსხვერპლი.
