თვეების განმავლობაში რთული მოლაპარაკებების შემდეგ, ევროკავშირი და დიდი ბრიტანეთი Brexit-ის შემდგომი ვაჭრობისა და თანამშრომლობის ხელშეკრულებას ხელს აწერენ.
ცერემონია ბრიუსელში, ევროკავშირის საბჭოში იმართება. ევროკავშირის მხრიდან დოკუმენტებს ხელს მოაწერენ ევროკომისიის ხელმძღვანელი ურსულა ფონ დერ ლაიენი და ევროსაბჭოს პრეზიდენტი შარლ მიშელი. ხოლო ბრიტანეთში ხელშეკრულებას ხელს ქვეყნის პრემიერ-მინისტრი ბორის ჯონსონი მოაწერს.
"ახლა ჩვენ გავხსნით ახალ გვერდს ჩვენი ხალხის ისტორიაში, ვაფორმებთ სავაჭრო გარიგებებს მსოფლიოს ქვეყნებთან, გარდა იმ შეთანხმებებისა, რომლებსაც ჩვენ უკვე მივაღწიეთ 63 სახელმწიფოსთან და კიდევ ერთხელ ვადასტურებთ გლობალური ბრიტანეთის, როგორც ლიბერალური, მსოფლიოსთვის ღიას და სიკეთის ძალას", - განაცხადა ჯონსონმა.
საერთო ჯამში, მხარეები სამ დოკუმენტს მოაწერენ ხელს: ხელშეკრულებას ვაჭრობისა და თანამშრომლობის შესახებ, ხელშეკრულებას კონფიდენციალური ინფორმაციის გაცვლისა და დაცვის პროცედურების შესახებ და შეთანხმებას ატომური ენერგიის მშვიდობიანად გამოყენების თანამშრომლობის შესახებ.
თეკო გიორგაძე
ავტორი