ევროკომისია ახალი ევროპული კლიმატისა და ჯანმრთელობის ობსერვატორიის გახსნას გეგმავს. ინფორმაციას ამის შესახებ გამოცემა The Brussels Times აქვეყნებს.
”2019 წელს მსოფლიოში ყველაზე სასიკვდილო სტიქიად ევროპაში სითბოს ტალღა იქცა”, - აღნიშნეს კომისიაში.
ევროკომისარმა ფრანს ტიმერმანსმა განაცხადა, რომ კლიმატის ცვლილების უფრო ზუსტი პროგნოზირება და ჯანმრთელობაზე ცვლილებების გავლენის მოდელირება "მონაცემთა უფრო მეტ შეგროვებას და გაცვლას" მოითხოვს.
ევროკავშირის ახალი კლიმატისა და ჯანმრთელობის დაცვის ობსერვატორია ინფორმაციის სისტემატურ შეგროვებასა და გაცვლაში ჩაერთვება, მათ შორის, სტიქიური უბედურებების შესახებ.
