სექტემბრიდან ევროკავშირს ყოველთვიურად კორონავირუსის საწინააღმდეგო ვაქცინის 200 მილიონი დოზის წარმოება შეეძლება. ამის შესახებ ევროკავშირის შიდა ბაზრის კომისარმა ტერი ბრეტონმა განაცხადა.
ევროკავშირის ქვეყნებს იანვრის თვეში ვაქცინის 14 მილიონი დოზა მიეწოდათ, თებერვალში - 28 მილიონი დოზა, მარტში კი - 60 მილიონი.
ტერი ბრეტონმა აღნიშნა, რომ წლის მეორე ნახევარში ევროკავშირი ვაქცინის 800 მილიონ დოზას მიიღებს. მან აღნიშნა, რომ ევროკავშირს კორონავირუსის საწინააღმდეგო ვაქცინების წარმოებისა და შემდგომი მიწოდების ვადები უკვე წინასწარ განსაზღვრული აქვს.