თავში

ევროკავშირი თურქეთსა და სომხეთს შორის ურთიერთობების ნორმალიზებას მხარს უჭერს

​ევროკავშირი თურქეთსა და სომხეთს შორის ურთიერთობების ნორმალიზებას მხარ
ევროკავშირი თურქეთსა და სომხეთს შორის ურთიერთობების ნორმალიზებას მხარს უჭერს

ევროკავშირი თურქეთსა და სომხეთს შორის ურთიერთობების ნორმალიზებასა და კომუნიკაციების გახსნას მხარს უჭერს. ამის შესახებ ევროკავშირის სპეციალურმა წარმომადგენელმა სამხრეთ კავკასიასა და საქართველოში კრიზისის საკითხებში ტოივო კლაარმა Twitter-ზე დაწერა.

"მივესალმები ახალ ამბავს მოსკოვში სომხეთისა და თურქეთის დელეგაციების შეხვედრის შესახებ. ურთიერთობების ნორმალიზაცია და კომუნიკაციების გახსნა მნიშვნელოვანი მიზანია, რომელსაც ევროკავშირი სრულად უჭერს მხარს", - ნათქვამია გამოცემაში.

ცნობისთვის, ორმა ავიაკომპანიამ - FlyOne Armenia-მ და Pegasus Airlines-მა - სომხეთის სამოქალაქო ავიაციის კომიტეტისგან ერევანი-სტამბოლი-ერევნის ჩარტერული ფრენების განხორციელებისთვის ნებართვა მიიღო.

31 დეკემბერს სომხეთის სამოქალაქო ავიაციის სამსახურმა ავიაკომპანია Flyone Armenia-ს ერევანი-სტამბოლის მიმართულებით ჩარტერული ავიარეისების განხორციელების უფლება მისცა.

ცნობისთვის, 16 დეკემბერს თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ თურქეთის ხელისუფლება სტამბოლი-ერევანი-სტამბოლის მიმართულებით ფრენების განხორციელების შესახებ თურქული და სომხური ავიახაზების განცხადებას განიხილავს. მანამდე ანკარამ და ერევანმა ორმხრივი ურთიერთობების ნორმალიზებისთვის სპეციალური წარმომადგენლების დანიშვნის შესახებ განაცხადეს.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system