ევროკავშირის ქვეყნების მიერ მიგრანტთა შემოსვლის აღკვეთის მიზნით გატარებულმა ღონისძიებებმა 2 ათასზე მეტი ადამიანის სიკვდილი გამოიწვია. ამის შესახებ ნათქვამია კვლევაში, რომელიც გაერო-ს და არასამთავრობო ორგანიზაციების მონაცემებზე დაყრდნობით The Guardian-მა გამოაქვეყნა.
გამოცემის ცნობით, ევროპის ქვეყნებმა ბოლო ათწლეულის განმავლობაში ყველაზე დიდი ოპერაცია ჩაატარეს მიგრანტების მასობრივი გაძევების მიზნით. ამას მხარს უჭერს ევროკავშირის საგარეო საზღვრების სააგენტო Frontex. აღინიშნა, რომ ტრანსპორტირების დროს ათასობით დევნილს, მათ შორის ბავშვებს, სასტიკად გაუსწორდნენ.
2020 წლის იანვრიდან მიგრანტთა ნაკადის რაოდენობა შემცირდა, თუმცა იტალიამ, მალტამ, საბერძნეთმა, ხორვატიამ და ესპანეთმა განაგრძეს მიგრაციის ზომების გამკაცრება. კერძოდ, ამ ქვეყნებმა დაიქირავეს კერძო ხომალდები გასაჭირში მყოფ მიგრანტების დასაკავებლად და შემდეგ ისინი გაგზავნეს დაკავების ცენტრებში. ბევრჯერ დაფიქსირებულა ლტოლვილთა ცემის, ბულინგისა და ყაჩაღობის ფაქტები.
